Tadbirlarda davlat muassasasi bo‘lim boshliqlari I.Abdukadirov, R.Sagdullayeva shuningdek muassasa hodimlari B.Abbasov, A.Xasanov va B.Kadirovalar «Ixtiro va foydali modelga talabnoma tuzish tartibi», «Sanoat namunasining huquqiy muhofazasi», «Mualliflik huquqi obyektlarini deponentlash tartibi» mavzularida ma’ruzalari bilan ishtirok etishdilar. Shu bilan birga, mazkur tashrifda so‘ngi yillarda Intellektual mulk sohasidagi o‘zgarish va yangiliklar, qabul qilingan qarorlar haqida aytib o‘tildi. Xususan, hozirda amaldagi muhofaza hujjatiga ega bo‘lgan huquq egalariga o‘z aqliy mahsullarini tijoratlashtirish bo‘yicha amaliy ko‘mak ko‘rsatish maqsadida markazda “Intellektual mulk obyektlarini fuqarolik muomalasiga kiritish va tijoratlashtirishga ko‘maklashish” bo‘limi faoliyati yo‘lga qo‘yilganligi to‘g‘risida ma’lumotlar berildi. Seminar so‘ngida institutning ilmiy xodimlari, doktarantlar sohaga oid savollari, muamollari bilan murojaat etish imkoniga ega bo‘ldilar va o‘zlarini qiziqtirgan masalalar bo‘yicha atroflicha tushincha va ko‘nikmalar oldilar.