Ushbu anjumanda O‘zbekiston Respublikasi Adliya vazirligi qoshidagi «Intellektual mulk markazi» davlat muassasasi Axborot resurs va TIQQMlar bilan ishlash bo‘lim boshlig‘i S.Raxmanov “O‘zbekiston Respublikasi Texnologiya va innovatsiyalarni qo‘llab quvvatlash markazlarininig faoliyati” mavzusidagi maʼruzasi bilan videokonferentsiya formatida ishtirok etdi. Taqdimotda O‘zbekiston Respublikasida TIQQMlarni rivojlantirish bo‘yicha amalga oshirilgan hamda hozirgi kunda olib borilayotgan ishlar to‘g‘risida batafsil ma’lumotlar berib o‘tildi. Ma’ruzadan so‘ng tadbir qatnashchlari tomonidan berilgan bir qator savollarga to‘laqonli javob berildi. Mamlakatimizda TIQQMlar faoliyatini jonlashtirish maqsadidagi olib borilayotgan ish tajribasi chet ellik mutaxassislarda katta qiziqish uyg‘otdi. Mazkur tadbirda ishtirok etish Texnologiyalar va innovatsiyalarni qo‘llab-quvvatlash markazlarining universitetlar, kichik va o‘rta biznes, boshqa innovatsion tuzilmalar bilan o‘zaro hamkorligini turli mamlakatlar tajribasidan kelib chiqib, ularning intellektual mulkni rivojlantirishdagi rolini o‘rganish imkonini berdi.