Navbatdagi texnologiyalar va innovatsiyalar qo‘llab-quvvatlash markazi Buxoro davlat tibbiyot institutida tashkil etildi.
05.07.2019
2019 yil 5 iyul kuni Abu Ali Ibn Sino nomidagi Buxoro davlat tibbiyot institutida O‘zbekiston Respublikasi Adliya vazirligi huzuridagi Intellektual mulk agentligi delegatsiyasi va institut rahbariyati bilan uchrashuvi bo‘lib o‘tdi.
Uchrashuv davomida tibbiyot sohasida bo‘lgan Texnologiyalar va innovatsiyalarni qo‘llab-quvvatlash markazini tuzish masalasi muhokama qilindi. Delegatsiya tashrifi doirasida TIQQMni tashkil etish to‘g‘risidagi Nizom, Markaz faoliyatini tashkil etish va ta’minlash bo‘yicha chora-tadbirlar ro‘yxati va «IP-CENTER – intellektual mulk sohasida kadrlarni qayta tayyorlash va malakasini oshirish bo‘yicha o‘quv markazi” hamda Buxoro davlat tibbiyot instituti o‘rtasida hamkorlik to‘g‘risida 15/ЦПТИ-sonli Bitim imzolandi.
